“Хонгор сумыг нүүлгэн шилжүүлж, алтны золиос бологсдыг авраач”

2008 оны 5-р сарын 1 – 4-ний хооронд Бразилийн Сао Пауло хотноо болсон 82 орны 1000-аад төлөөлөгчид чуулсан Дэлхийн ногоонтнуудын 2-р их хуралд Монголын ногоон эвслийн тэргүүн О.Бум-Ялагч, Монголын үндэсний ногоон хөдөлгөөний тэргүүн А.Саруул нарыг Австрали улсын ногоон нам дэмжин урьж орлцуулав. Энэ хурал дээр О.Бум-Ялагч Монгол улс дахь “Алт” хөтөлбөр, Хонгор сумын хохирогдчдын талаар илтгэл тавьж, дэлхийн олон нийтийн анхаарлыг Монгол улсын хямралт байдал руу хандууллаа.

Дэлхийн алтны эсрэг сүлжээ байгуулагдсан ба энэ сүлжээнд тус Монголын Ногоон эвсэл, Ногоон хөдөлгөөн элсэн орлоо.

Хурлын төгсгөлд цаг хугацаа давчуу байсан үед Хонгорын төлөө өөрсдийн санаачилгаар 30-аад орны 38 иргэд гарын үсгээ цуглуулж өглөө. Хурлын эхэнд гарын үсэг цуглуулсан бол бүгд зурах байсан. Зөвхөн “хүүхдийн биеэр тууралт гарсан” гэдэг үг л гарын үсэг зуруулахад хүргэсэн билээ.

Хонгор суманд өнөөдөр цаг агаарын дулаарлаас шалтгаалан хүмүүсийн биеэр тууралт ахин ихсэж, хүмүүсийн цусны даралт огцом унах, өгсөх, биеийн хэсгүүдээр хавдар гарах, гэдэс хатууран хөөх, уур уцаартай болох, ер нь л адил өвчний шинж тэмдгүүд ихээр илэрч байна.

Саяхан явсан эмч (нэрийг хэлбэл эмч хэцүүднэ) өөрийн багтай явж нийтдээ 80 орчим хүний биеийг л үзэж амжжээ. Нөхцөл хүнд, бүгд хордлогын шинжтэй байгааг хэлсэн. Гэтэл Хонгор сумын засаг дарга тухайн эмчийг “хүмүүсийн эрүүл мэндийг зөвшөөрөлгүй үзлээ” хэмээн ад үзсэн байна. Энэ чинь юу гэсэн үг вэ? Хонгор суманд үсгүй тугал төрсөөр л. Малын эмч нь ч таг.

Хонгор суманд Дархан-Уул аймгийн засаг дарга Ханхирваа “хоргүй” хэмээн дарамт үзүүлсээр л. Хонгор сумынхан хоол унд, утасны нэгж авах ч мөнгөгүй болж, холбоо барих хүндрэлтэй болжээ. Ийм ядуурал дээр дөрөөлөн МАХН-ынхан сонгуулийн сурталчилгаагаа хууль бусаар эхлүүлж, 5000 төгрөг тараан “Хонгорынхон хордоогүй” хэмээн эрүү шүүлт туглгаж байна. Өлсөөд цангачихсан хүн 5000 төгрөгийн төлөө юу ч гэж худал ярина биз дээ????

“Хонгор сумын” гэх дуулиант хэрэгт холбогдогсдыг УИХ-д нэрийг нь дэвшүүлэхгүй байхыг хэвлэл мэдээллээр дамжуулан ард түмэнд дуулгахыг хүсч байна. Үүнд:
1. Хаянхярваа МАХН - Дархан-Уул аймгийн засаг дарга, хор алдсан алтны үлдвэрээс хамтран хувь эзэмшигч, Хонгор сумынхныг хүйс тэмтрэгдчдийн нэг
2. Туяа, МАХН – Эрүүл мэндийн сайд асан, УИХ-ын гишүүн, хариуцлагагүй албан тушаалтан, худалч
3. Отгонболд, ҮШН – Эрүүл мэндийн дэд сайд асан, УИХ-д санаархагч, Хонгор сумыг хоргүй гэгч хам хэрэгтэн, гүтгэгч
4. Отгонбаяр, МАХН – Онц байдлын сайд асан, УИХ-ын гишүүн, “Хонгор суманд ямар ч гахай тугал үхээгүй, хариуцлагатай мэдэгдчихий” хэмээн худлаа яригч, МИ-8-ын ослын буруутан, хариуцлагагүй албан тушаалтан, Туул голд загас үхэхэд ам ч нээгээгүй
5. М.Энхболд, МАХН – Ерөнхий сайд асан, УИХ-ын гишүүн, Хонгорын хэрэг, МИ-8-ын хэргийн буруутан, ямар ч хариуцлагагүй, газрын наймаачин, юу ч хийдэггүй
6. Хүрэлсүх, МАХН – 2 жилийн хорих ялтай авч УИХ-ын гишүүн хэвээр, Мэргэжлийн хяналтын сайд асан, юу ч хийгээгүй, Хонгорн талаар дуулаа ч үгүй бололтой, Туул голд загас үхэхэд ам ч нээгээгүй
7. Эрдэнэбаатар, “Эрэл”-ийн МАШСН, Байгаль орчны сайд асан, УИХ гишүүн, “Хонгорын байгаль орчин хордоогүй, ногоог нь идэж болно” хэмээсэнн хариуцлагагүй худалч, Туул голыг хордуулаад байхад юу ч хийгээгүй, ам ч нээгээгүй
8. Батнаран, МАХН – Хонгор сумын засаг дарга асан, суудал горилогч
9. С.Баяр, МАХН – Ерөнхий сайд, Хонгор сумын шинжилгэний хариуг сонгууль өнгөртөл нуун дарагдуулах даалгавар өгсөн, асуудлыг шийдэхгүй удааж байгаа хам хэрэгтэн
Ер нь МАХН – Хонгор сумыг бүлгээрээ нуун дарагдуулж байгаа улс төрийн хүчин.

Монголын Үндэсний Ногоон Хөдөлгөөн